ویبھو سوریہ ونشی کے شارٹ پر فدا ہوئی یہ خوبصورت لڑکی، ہر چھکے پر جم کر مچایا شور
نئی دہلی : اس وقت انڈین پریمیئر لیگ میں صرف ایک کھلاڑی کی بات ہو رہی ہے۔ راجستھان رائلز کے ویبھو سوریہ ونشی کی گجرات ٹائٹنز کے خلاف کھیلی گئی دھماکہ خیز اننگز نے ہلچل مچا دی۔ 28 اپریل 2025 کا دن ٹورنامنٹ کی تاریخ میں ہمیشہ یاد رکھا جائے گا۔ 14 سالہ لڑکے نے آئی پی ایل میں ایسا تہلکہ مچایا کہ کئی ریکارڈز ٹوٹ گئے ۔ 101 رنز کی اپنی اننگز میں ویبھو نے 11 چھکے لگائے اور شائقین نے ہر شاٹ پر جم کر تالیاں بجائیں ۔ ہزاروں کے مجمع میں سب کی نظریں ایک لڑکی پر تھیں جس کا انداز باقیوں سے کچھ مختلف تھا۔
ویبھو سوریہ ونشی نے انڈین پریمیئر لیگ میں ایسی اننگز کھیلی جس نے نہ صرف راجستھان رائلز کی دم توڑتی امیدوں کو زندہ کر دیا بلکہ شائقین میں بھی جوش بھر دیا۔ پیر (28 اپریل) کو پہلے بیٹنگ کرتے ہوئے گجرات ٹائٹنز نے کپتان شبھمن گل کے 84 رنز اور جوس بٹلر کے پچاس رنز کی بنیاد پر 4 وکٹوں پر 209 رنز بنائے۔ جواب میں ویبھو سوریہ ونشی نے شاندار سنچری بنائی اور راجستھان نے 15.5 اوورز میں صرف 2 وکٹوں کے نقصان پر ہی میچ جیت لیا۔ یشسوی جیسوال نے بھی شاندار نصف سنچری بنائی۔
ویبھو سوریہ ونشی نے گجرات کے گیند بازوں پر قہر ڈھا دیا اور 11 چھکے لگا کر نیا ریکارڈ بنا دیا۔ ان چھکوں کے دوران ایک ایسا شاٹ تھا جسے دیکھ کر میچ دیکھنے والے شائقین کو اس نوجوان سے پیار ہو گیا۔ ایشانت شرما نے اننگز کا چوتھا اوور کروایا اور سوریہ ونشی نے 28 رنز بنا ڈالے۔ اس اوور میں انہوں نے پہلی دو گیندوں پر چھکے لگائے اور پانچویں گیند پر چھکا حیرت انگیز تھا۔ میچ دیکھنے والے ایک مداح کو شاٹ سے پیار ہو گیا۔ اس نے راجستھان کا جھنڈا اٹھایا اور اسے ہوا میں لہرادیا۔
T20 Cricket: ٹی ٹوئنٹی میں روہت شرما سے زیادہ رنز بنانے والے بلے باز
راجستھان کی پلے آف کی امیدیں زندہ
گجرات ٹائٹنز کے خلاف کرو یا مرو کے میچ میں، راجستھان رائلز نے ایک جیت درج کی جس نے ان کی پلے آف میں پہنچنے کی امیدوں کو زندہ رکھا۔ ویبھو سوریہ ونشی کی شاندار سنچری کی بدولت ٹیم نے 210 رنز کا ہدف 16 اوورز سے بھی کم اوورز میں حاصل کر لیا اور اپنے نیٹ رن ریٹ میں نمایاں بہتری لائی۔ 10 میچ کھیلنے کے بعد ٹیم نے 3 جیت سے 6 پوائنٹس حاصل کیے ہیں۔ اگر ٹیم باقی 4 میچ جیت لیتی ہے تو اس کے 14 پوائنٹس ہو جائیں گے۔ ٹیم ابھی بھی ریس میں برقرار ہے۔
نیوز18اردو ہندوستان میں اردو کی سب سے بڑی نیوز ویب سائٹس میں سے ایک ہے۔ برائے مہربانی ہمارے واٹس چینل کو لائیو، تازہ ترین خبروں اور ویڈیوز کے لئے فالو کریں۔آپ ہماری ویب سائٹ پر خبروں، تصاویر اور خیالات کے ساتھ ساتھ انٹرٹینمنٹ، کرکٹ جیسے کھیلوں اور لائف اسٹائل سے منسلک مواد دیکھ سکتے ہیں۔ آپ ہمیں، ایکس، فیس بک، انسٹاگرام، تھریڈز،شیئرچیٹ، ڈیلی ہنٹ جیسے ایپس پر بھی فالوکرسکتے ہیں۔
