مہر خبررساں ایجنسی کے مطابق، اقوام متحدہ نے غزہ میں انسانی امداد کی تقسیم کے معاملے پر اسرائیل اور امریکی کمپنیوں کی پیشکش کو مسترد کرتے ہوئے تعاون سے انکار کردیا ہے۔
ذرائع کے مطابق امریکی حکام نے اطلاع دی ہے کہ اقوام متحدہ نے اسرائیل اور امریکی اداروں کے ساتھ امدادی تعاون سے انکار کیا ہے۔ اقوام متحدہ کی جانب سے انکار کی وجہ بیان نہیں کی گئی، اور نہ ہی عالمی ادارے کی طرف سے اس پر کوئی تفصیلی تبصرہ سامنے آیا ہے۔
یہ خبر ایسے وقت میں آئی ہے جب غزہ میں جاری انسانی بحران کے پیش نظر بین الاقوامی برادری کی جانب سے امداد کی فوری اور غیر جانبدار تقسیم پر زور دیا جا رہا ہے۔ غیر جانبدار ادارے اسرائیل پر امدادی سامان کی راہ میں رکاوٹیں ڈالنے اور غزہ کے عوام کو محصور کرنے کے الزامات لگارہے ہیں۔
