لکھنؤ نے گجرات کو 33 رنز سے شکست دی، مچل مارش کی سنچری کے بعد گیند بازوں نے بھی تباہی مچا دی

لکھنؤ سپر جائنٹس نے گجرات ٹائٹنز کو 33 رنز سے شکست دی ۔ اس میچ میں لکھنؤ کی ٹیم نے پہلے بیٹنگ کرتے ہوئے 235 رنز کا بڑا اسکور بنایا جس کے جواب میں گجرات کی ٹیم آخری اوور تک جاری رہنے والے میچ میں صرف 202 رنز بنا سکی جس کی وجہ سے اسے 33 رنز سے شکست کا سامنا کرنا پڑا۔ مچل مارش کی سنچری لکھنٔو سپر جائنٹس یعنی  ایل ایس جی کے لیے کارآمد ثابت ہوئی جب کہ گجرات ٹائٹنز یعنی جی ٹی کے چھ میں سے چار بلے بازوں نے 30 سے ​​زائد رنز بنائے۔

گجرات ٹائٹنز کو 236 رنز کا ہدف ملا جس کے جواب میں اس نے بہت اچھی شروعات کی۔ شبمن گل اور سائی سدرشن کے درمیان 46 رنز کی اوپننگ پارٹنرشپ ہوئی لیکن سائی سدرشن 21 رنز بنانے کے بعد پانچویں اوور میں آؤٹ ہو گئے۔ شبمن گل بھی اچھی فارم میں ہیں جنہوں نے جوس بٹلر کے ساتھ 39 رنز جوڑے۔ بٹلر 33 رنز بنانے کے بعد آؤٹ ہوئے اور ان کے بعد صرف 11 رنز بنا کر شبمن گل بھی 20 گیندوں پر 35 رنز بنانے کے بعد آؤٹ ہوئے۔ گجرات نے 96 کے اسکور پر 3 وکٹ گنوا دیے۔

یہاں سے شیرفن ردرفورڈ اور شاہ رخ خان کے درمیان 86 رنز کی شراکت ہوئی جس کی وجہ سے گجرات میچ میں فتح کی جانب بڑھنے لگا۔ گجرات کے لیے فتح اس وقت آسان لگ رہی تھی جب ردرفورڈ 38 رنز بنا کر آؤٹ ہوئے۔ اس وقت تک گجرات کو 23 گیندوں میں 54 رنز درکار تھے۔ ایک وقت میں گجرات نے 3 وکٹوں کے نقصان پر 182 رنز بنائے تھے لیکن وکٹوں کا گرنا اس طرح شروع ہوا کہ جی ٹی کی اگلی 6 وکٹیں 20 رنز کے اندر ہی گر گئیں۔

لکھنؤ سپر جائنٹس کے گیند بازوں نے مچل مارش کی سنچری اور نکولس پورن کی 56 رنز کی طوفانی اننگز کو رائیگاں نہیں جانے دیا۔ ولیم او رورک نے سب سے زیادہ 3 اور اویش خان نے 2 وکٹیں حاصل کیں۔ آیوش بدونی نے 2 جبکہ آکاش سنگھ اور شہباز احمد نے ایک ایک وکٹ حاصل کی۔ خاص طور پر ڈیتھ اوورز میں لکھنؤ کے گیند بازوں نے تباہی مچا دی۔