مہر خبررساں ایجنسی کے مطابق، سینکڑوں ایرانی طلباء نے فردو میں واقع جوہری مرکز کے گرد انسانی زنجیر بنا کر ملک کے ایٹمی پروگرام کی حمایت کا اظہار کیا۔ یہ اقدام ایران اور امریکہ کے درمیان متوقع جوہری مذاکرات سے قبل سامنے آیا ہے۔
طلباء نے اس موقع پر ایک اعلامیہ بھی پڑھ کر سنایا جس میں انہوں نے واضح کیا کہ ملکی قومی مفادات کسی بھی صورت میں مذاکرات کا موضوع نہیں بن سکتے۔
فردو ایٹمی پلانٹ ایران کا ایک زیر زمین یورینیم افزودگی مرکز ہے، جو قم شہر سے 32 کلومیٹر شمال مشرق میں واقع فردو گاؤں کے قریب موجود ہے۔
