پاکستانی فوج انتہا پسندانہ سوچ سے متاثر، یہ عالمی امن کے لیے خطرہ: ایس جئے شنکر

جئے شنکر نے کہا کہ پہلگام حملہ پاکستان حمایت یافتہ دہشت گردوں کے ذریعہ انجام دیا گیا تھا اور اس کے پیچھے مذہب کی بنیاد پر ’ٹارگیٹ کلنگ‘ کی منشا تھی۔ انہوں نے کہا، ’’ہمارے پاس واضح ثبوت ہیں کہ پہلگام میں جو 26 شہری مارے گئے انہیں ہندو ہونے کی وجہ سے نشانہ بنایا گیا تھا۔ یہ سفاکانہ حملہ دکھاتا ہے کہ پاکستان کی طرف سے دہشت گردی کس حد تک مذہبی جنون سے متاثر ہو چکی ہے۔‘‘

جئے شنکر نے یہ بھی کہا کہ ہندوستان اور پاکستان کے درمیان کوئی بات چیت تب تک ممکن نہیں ہے جب تک کہ اسلام آباد اپنی زمین سے دہشت گرد سرگرمیوں کی حمایت اوراس کا تحفظ کرنا بند نہیں کر دیتا۔