آرکیٹیکٹ بننا چاہتا تھا، مگر وکیل بن کر والد کا خواب پورا کیا: چیف جسٹس بی آر گوئی

انہوں نے مزید کہا، ’’اگرچہ میں وکیل بنا، لیکن آج بھی اپنے اس جذبے سے جڑا ہوا ہوں۔ میں بمبئی ہائی کورٹ کی انفراسٹرکچر کمیٹی کا چیئرمین بھی رہا ہوں، جو میری تعمیراتی دلچسپی سے جڑا کام ہے۔‘‘

چیف جسٹس گوئی نے اپنے والد کی جدوجہد کا ذکر کرتے ہوئے بتایا کہ ان کے والد نے بابا صاحب ڈاکٹر بی آر امبیڈکر کے سماجی انقلاب کے مشن میں سرگرم حصہ لیا۔ وہ بھی وکیل بننا چاہتے تھے لیکن جیل جانے کے باعث ایل ایل بی کی تعلیم مکمل نہ کر سکے۔ انہوں نے کہا، ’’میرے والد کی خواہش تھی کہ ان کا ایک بیٹا وکیل بنے۔ میں نے ان کا خواب پورا کیا۔‘‘