مہر خبررساں ایجنسی کے مطابق، امریکی ٹی وی چینل سی این این نے انکشاف کیا ہے کہ صیہونی حکومت اور شام کے خودساختہ حکمران جولانی کے نمائندوں کے درمیان حال ہی میں آذربائیجان میں براہ راست مذاکرات ہوئے۔
سی این این کے مطابق ایک صہیونی ذریعے نے بتایا کہ مذاکرات میں اسرائیلی فوج کے آپریشنز ڈیپارٹمنٹ کے سربراہ اودید باسیوک، شام کے خودساختہ حکمران کے نمائندوں اور ترک حکام نے شرکت کی۔
شام کے خود ساختہ حکمران اور دہشت گرد گروہ تحریر الشام کے سابق رہنما الجولانی نے بھی گزشتہ ہفتے اعلان کیا تھا کہ ملک پر حملے روکنے کے لیے اسرائیلی حکومت کے ساتھ بالواسطہ بات چیت جاری ہے۔
ابھی تک شام کے کسی سرکاری ذریعے نے اسرائیلی حکومت کے ساتھ براہ راست مذاکرات کے انعقاد پر کوئی رد عمل ظاہر نہیں کیا ہے۔
سی این این کے ذریعے نے میٹنگ کے ایجنڈے یا ثالثی فریق کی تفصیلات ظاہر نہیں کیں۔
چند روز قبل سعودی عرب میں امریکی صدر ڈونلڈ ٹرمپ نے سعودی ولی عہد محمد بن سلمان، شام کے خود ساختہ حکمران جولانی اور ترک صدر رجب طیب اردگان کے ساتھ ایک ویڈیو کانفرنس میں صیہونی رژیم کے ساتھ تعلقات معمول پر آنے کی صورت میں شام پر سے پابندیاں اٹھانے کے امکان کا اعلان کیا تھا۔
الجولانی کی ٹرمپ کے ساتھ سعودی عرب میں ملاقات نے ذرائع ابلاغ کی توجہ مبذول کرائی کیونکہ حالیہ برسوں میں امریکہ نے دہشت گرد گروہ تحریر الشام کے سرغنہ الجولانی (احمد الشعراء) کے لیے 10 ملین ڈالر کا انعام مقرر کیا تھا اور اب ٹرمپ نے نہایت منافقت سے کام لیتے ہوئے اس شخص کا پرتپاک استقبال کیا اور اس کی تعریف کی۔!
