سپریم کورٹ نے مرکز اور ریاستوں کو خصوصی پوکسو عدالتیں قائم کرنے کی ہدایت دی
بینچ نے کہا کہ کافی تعداد میں خصوصی عدالتیں قائم کرکے اس خصوصی قانون کے تحت مقررہ مدت کے اندر مقدمات کے نمٹانے کی فراہمی پر سختی سے عمل کو یقینی بنایا جاسکتا ہے۔
فائل تصویر آئی اے این ایس
سپریم کورٹ نے جمعرات کو مرکز اور ریاستوں سے کہا کہ وہ بچوں کے جنسی جرائم سے تحفظ کے قانون (پوکسو) کے تحت درج مقدمات کو ترجیحی بنیادوں پر سننے کے لیے خصوصی عدالتیں قائم کریں۔
یہ حکم جاری کرتے ہوئے جسٹس بیلا ایم ترویدی اور جسٹس پرسنا بی ورالے کی بینچ نے کہا کہ کافی تعداد میں خصوصی عدالتیں قائم کرکے اس خصوصی قانون کے تحت مقررہ مدت کے اندر مقدمات کے نمٹانے کی فراہمی پر سختی سے عمل کو یقینی بنایا جاسکتا ہے۔
بینچ نے پایا کہ مرکزی حکومت سے مالی امداد حاصل کرنے والی زیادہ تر ریاستوں نے پوکسو مقدمات کے لیے خصوصی عدالتیں قائم کرنے کے لیے عدالت کی طرف سے جاری کردہ ہدایات کی تعمیل کی ہے۔تاہم بینچ نے کہاکہ "کچھ ریاستوں جیسے تمل ناڈو، بہار، اتر پردیش، مغربی بنگال، اڈیشہ، مہاراشٹر وغیرہ میں زیر التواء پوکسو مقدمات کی تعداد کے پیش نظر مزید پوکسو عدالتیں بنانے کی ضرورت ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
