کینیڈا کی کابینہ میں ہندوستانی نژاد چہروں کا اثر، وزیر خارجہ انیتا آنند کے ساتھ تین اور رہنما بھی شامل

نئی کابینہ میں منندر سدھو کو بین الاقوامی تجارت کا وزیر مقرر کیا گیا ہے۔ وہ برامپٹن ایسٹ سے رکن پارلیمان ہیں۔ ان کا تعلق پنجاب سے ہے اور وہ بچپن میں اپنے خاندان کے ساتھ کینیڈا آئے تھے۔ منندر پہلے بھی کئی وزرا کے پارلیمانی سیکریٹری رہ چکے ہیں۔ موجودہ عالمی تجارتی حالات میں ان کا کردار خاصا اہم تصور کیا جا رہا ہے۔

روبی سہوتا کو جرائم پر قابو پانے سے متعلق امور کی ریاستی سیکریٹری مقرر کیا گیا ہے۔ وہ 2015 سے برامپٹن نارتھ سے رکن پارلیمان چلی آ رہی ہیں۔ وکالت کے پس منظر سے تعلق رکھنے والی روبی، نوجوانوں کے مسائل اور امیگریشن قوانین پر خاص توجہ رکھتی رہی ہیں۔