ہندوستان و پاکستان کے درمیان جنگ بندی سے دنیا نسبتاً بہتر حالت میں ہے: اقوام متحدہ

ترجمان دوجارک نے منگل کو اپنی روزانہ کی پریس بریفنگ میں کہا، ’’ہم امید کرتے ہیں کہ جنگ بندی برقرار رہے گی۔ ساتھ ہی ہم یہ بھی چاہتے ہیں کہ ہندوستان اور پاکستان اس موقع سے فائدہ اٹھاتے ہوئے اپنے درمیان موجود کئی دیرینہ مسائل کو حل کرنے کی کوشش کریں۔‘‘

یہ تبصرہ ایک فلسطینی صحافی کے سوال کے جواب میں دیا گیا، جس نے ہندوستانی وزیر اعظم نریندر مودی کے حالیہ خطاب پر سوال اٹھایا تھا۔ صحافی نے دعویٰ کیا کہ وزیر اعظم مودی کے لب و لہجے سے ظاہر ہوتا ہے کہ جنگ بندی کمزور ہے اور کسی بھی وقت ختم ہو سکتی ہے۔ اس کے ساتھ ہی صحافی نے پاکستانی دفتر خارجہ کے اس بیان کا حوالہ دیا، جس میں مودی کے خطاب پر اعتراض کیا گیا تھا۔