مہر خبررساں ایجنسی نے رائٹرز کے حوالے سے نقل کیا ہے کہ پاکستانی وزیر اعظم شہباز شریف نے اپنے ایک خطاب میں اعلان کیا کہ ان کا ملک ہندوستان کی بلااشتعال فوجی جارحیت کے سامنے ڈٹ گیا اور فتح حاصل کی۔
انہوں نے کہا کہ ہمیں اپنی آزادی کے لیے ایک سنگین چیلنج کا سامنا تھا، لیکن ہم نے دشمن کو شکست دی۔
شہباز شریف نے کہا کہ دشمن نے جو کیا وہ ایک شرمناک عمل تھا اور ہماری فوج نے اس جارحیت کا بھرپور جواب دیا۔
انہوں نے مزید کہا کہ ہندوستان نے ہمارے بے گناہ شہریوں کو قتل کیا، لیکن پاکستانی مسلح افواج نے اپنے وطن اور قومی وسائل کا دفاع کیا۔”
شہباز شریف نے دعویٰ کیا کہ ہندوستان کے فضائی اور فوجی اڈے مکمل طور پر تباہ ہوگئے اور ملک کے رافیل لڑاکا طیارے بھی گرائے گئے۔
انہوں نے زور دے کر کہا کہ ہمارے بہادر جوان بھارت کی جارحیت کے خلاف کھڑے ہوئے اور دشمن کو دکھایا کہ حتمی حل مذاکرات کی میز پر بیٹھنا ہے۔
پاکستانی وزیر اعظم نے ملک کی مسلح افواج کے کمانڈروں کو مبارکباد دیتے ہوئے فضائیہ کی ہمت اور پیشہ ورانہ مہارت کو سراہا۔
