دیوبندی عالم قاری اسحاق نے پاکستان کو لتاڑا، کہا- ’ہندوستانی مسلمان ملک کی حفاظت کے لیے تیار ہیں‘
ہندوستان پاکستان کشیدگی کے درمیان سہارنپور کی مسجد سے اعلان کیا گیا کہ پاکستان اپنی تخریبی سرگرمیاں بند کردے، ورنہ ہندوستان کے مسلمان اپنے ملک کی حفاظت کے لیے تیار ہیں۔
فائل تصویر آئی اے این ایس
کل جمعہ کی نماز کا دن سہارنپور میں ایک مضبوط پیغام کے ساتھ گونج اٹھا۔ دیوبندی عالم قاری اسحاق نے مسجد میں نماز کے بعد پاکستان کو سخت وارننگ جاری کر دی۔ ہندوستان کے مسلمانوں کے اتحاد کا مظاہرہ کرتے ہوئے انہوں نے کہا کہ اگر پاکستان اپنی تخریبی سرگرمیاں بند نہیں کرتا تو ہندوستان کے مسلمان اپنے ملک کی حفاظت کے لیے تیار ہیں۔
قاری اسحاق نے کہا کہ جمعہ ہے بڑی تعداد میں لوگ نماز کے لیے آتے ہیں ملک کے لیے دعا کریں اور پاکستان پر لعنت ضرور بھیجیں۔ انہوں نے مساجد سے اعلان کیا کہ پاکستان اپنی تخریبی سرگرمیاں بند کرے ورنہ ہندوستان کے مسلمان اپنے ملک کی حفاظت کے لیے کوئی بھی قدم اٹھانے کو تیار ہیں۔
قاری اسحاق نے ہندوستان کے مسلمانوں کی حب الوطنی پر روشنی ڈالتے ہوئے کہا کہ ہندوستان کے مسلمان اپنے ملک کی حفاظت کے لیے ہمہ وقت تیار ہیں، ہمارا ملک ہماری پہچان ہے، اور ہم اسے کسی قیمت پر مجروح نہیں ہونے دیں گے۔ سہارنپور کی مسجد سے اعلان کیا گیا کہ پاکستان اپنی سرگرمیاں بند کرے، ورنہ ہندوستان کے مسلمان اپنے ملک کی حفاظت کے لیے تیار ہیں۔
واضح رہے کہ اسلامک سینٹر آف انڈیا کی طرف سے کل نماز جمعہ کے موقع پر اپیل کی گئی کہ مسلم کمیونٹی کے لوگ ملک اور فوج کے لیے دعا کریں۔ آج تمام شہروں کی مرکزی مساجد میں نمازیں ادا کی گئیں۔
یہ بیان ہندوستان اور پاکستان کے درمیان جاری کشیدگی کے درمیان آیا ہے۔ پہلگام حملے کے بعد، ہندوستان نے ‘آپریشن سندور’ کے تحت 7 مئی 2025 کو پاکستان اور پی او کے میں دہشت گردوں کے 9 ٹھکانوں کو تباہ کر دیا۔ ہندوستان نے واضح کیا کہ یہ دہشت گردی کے خلاف ٹارگٹڈ کارروائی تھی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
