ضرورت پڑی تو کسان ٹریکٹر اور مٹی لے کر بارڈر جائیں گے، ہمیں پانی روکنا آتا ہے: راکیش ٹکیت

ٹکیت نے کہا، ’’یہ حکومت کے فیصلے ہوتے ہیں۔ جنگ کب اور کیسے کرنی ہے، یہ حکومت ہی طے کرتی ہے لیکن حکومت کو اس معاملے میں سخت قدم اٹھانا چاہیے۔‘‘ ان کا یہ بیان اس وقت آیا جب ملک میں پاکستان کے خلاف سخت کارروائی کے مطالبے بڑھ رہے ہیں۔

سندھ طاس معاہدے کی بات کرتے ہوئے ٹکیت نے زور دے کر کہا، ’’ہم کسان ہیں، ہمیں تکنیکی طور پر پتہ ہے کہ پانی کہاں روکا جا سکتا ہے اور کیسے اسے دوسری سمت میں موڑا جا سکتا ہے۔ اگر حکومت کو ضرورت محسوس ہوئی تو ہم بارڈر تک جائیں گے اور اپنا تعاون دیں گے۔‘‘