مہر خبررساں ایجنسی نے بھارتی میڈیا کے حوالے سے نقل کیا ہے کہ بھارتی وزیر داخلہ امت شاہ نے جمعرات کو پہلگام حملے میں ملوث ہر دہشت گرد کو پکڑنے اور سخت سے سخت سزا دینے کے اپنے عزم کا اعادہ کیا اور کہا کہ ان سب کو ان کی گھناؤنی حرکت کے لیے جوابدہ بنایا جائے گا۔ امت شاہ نے زور دے کر کہا کہ نریندر مودی حکومت کسی بھی دہشت گرد کو نہیں بخشے گی۔
پہلگام میں جس نے بھی بزدلانہ حملہ کیا ہے، ہم کسی کو نہیں چھوڑیں گے۔ ہم ہر ایک مجرم کو پکڑیں گے۔‘‘ وزیر داخلہ نے کہا کہ مودی حکومت دہشت گردوں کے خلاف زیرو ٹالرنس کی پالیسی پر عمل پیرا ہے۔
انھوں نے کہا کہ ’’اگر کوئی یہ سوچتا ہے کہ وہ اس طرح کے بزدلانہ حملے کے بعد بچ جائیں گے تو وہ غلط ہیں۔ یہ نریندر مودی کی حکومت ہے، ہم کسی کو نہیں بخشیں گے۔‘‘ شاہ نے کہا کہ حکومت کی دہشت گردی کے خلاف جنگ اس وقت تک جاری رہے گی جب تک اس کا مکمل صفایا نہیں ہو جاتا۔
