مہر خبررساں ایجنسی کی رپورٹ کے مطابق، ایرانی بری فوج کے کمانڈر بریگیڈیئر جنرل کیومرث حیدری نے واضح الفاظ میں دشمنوں کو خبردار کیا ہے کہ اگر کسی نے اسلامی جمہوریہ ایران کے خلاف کوئی بھی غلطی کی، تو ایرانی مسلح افواج سخت جواب دینے سے دریغ نہیں کریں گی۔
سیستان و بلوچستان میں فوجی 88 ویں ڈویژن کا معائنہ کرتے وقت جنرل حیدری نے کہا کہ مختلف اقسام کے حملہ آور اور دفاعی ڈرون طیاروں کے ساتھ ساتھ جدید اور سمارٹ میزائل سسٹمز اور عسکری ساز و سامان کی فراہمی سے بری فوج کی صلاحیتوں میں کئی گنا اضافہ ہوا ہے۔
انہوں نے مزید کہا کہ بری فوج کے جوان ہمہ وقت تیار ہیں، ان کی آنکھیں کھلی ہیں اور انگلیاں ٹریگر پر ہیں۔ ہمارے جوان سپریم لیڈر کے احکامات پر عمل کرنے کے لیے پوری طرح تیار ہیں تاکہ دشمن کو کسی بھی سطح اور کسی بھی طریقے سے شکست مزہ چکھائیں۔
جنرل حیدری کا یہ بیان ایسے وقت میں سامنے آیا ہے جب خطے میں کشیدگی بڑھتی جارہی ہے اور ایران اپنی دفاعی تیاریوں میں مسلسل اضافہ کررہا ہے
