مہر نیوز ایجنسی کی رپورٹ کے مطابق، ایران کے صدر مسعود پزشکیان سے تہران میں ترکمانستان کے وزیر خارجہ رشید مردوف نے ملاقات کی۔
فریقین نے دونوں ممالک کے درمیان توانائی کے شعبے میں تعلقات کی توسیع پر اتفاق کیا۔
اس ملاقات میں صدر پزشکیان نے کہا کہ ایران ترکمانستان سے قدرتی گیس درآمد کرنے کا خواہاں ہے جبکہ اس کے پاس پڑوسی ممالک کو گیس برآمد کرنے کی صلاحیت ہے۔
انہوں نے مزید کہا کہ ایران ترکمانستان کے ساتھ توانائی کے شعبے میں تعاون کو مضبوط کرنے کے علاوہ، ٹرانسپورٹ، تجارت اور سرمایہ کاری کے میدان میں تعلقات کو بہتر بنانے کا خواہاں ہے۔
اس ملاقات میں ترکمانستان کے وزیر خارجہ نے کہا: ترکمانستان ایران کے ساتھ اقتصادی تعاون کے طویل مدتی منصوبوں اور سرحدی منڈیوں کو بڑھانے کے لیے پرعزم ہے۔
مردوف نے کہا کہ ایران میں گھریلو استعمال کے لیے گیس پائپ لائن کی تعمیر، سرحدی تجارت میں توسیع، مشترکہ سرمایہ کاری اور بحیرہ کیسپین کے تحفظ کے لئے باہمی تعاون ان کے دورہ تہران کا اہم مقصد تھا۔
