مہر خبررساں ایجنسی کے مطابق، ایرانی ترجمان اسماعیل بقائی نے کہا کہ ایران اور عالمی طاقتوں کے درمیان 2015 میں ہونے والے جوہری معاہدے کے حوالے سے تہران اور تین یورپی ممالک کے درمیان 16 مئی کو مذاکرات ہوں گے۔
انہوں نے کہا کہ یہ اجلاس یورپی ممالک یعنی جرمنی، برطانیہ اور فرانس کے ساتھ سیاسی مشیروں کی سطح پر منعقد ہوگا، جس کا مقصد ایران اور امریکہ کے درمیان بالواسطہ مذاکرات سے متعلق مشاورت کو آگے بڑھانا ہے۔ اب تک ایران اور یورپی ٹرائیکا کے درمیان ایران کے جوہری پروگرام پر تین دور کے مذاکرات ہوچکے ہیں۔
یہ اجلاس 30 اپریل کو روم میں ہونا تھا لیکن ایران-امریکہ کے چوتھے دور کے مذاکرات میں تاخیر کے باعث اسے ملتوی کر دیا گیا تھا۔
یاد رہے کہ 2015 کے معاہدے میں ایک "اسنیپ بیک میکانزم” بھی شامل ہے، جس کے تحت اگر معاہدے میں شامل کوئی فریق معاہدے کی خلاف ورزی کرے تو معاہدے سے پہلے کے حالات دوبارہ واپس آئیں گے۔ بعض یورپی حکام اس کو شق فعال کرنے کی دھمکی دے چکے ہیں۔
ایران کئی بار خبردار کر چکا ہے کہ اسنیپ بیک میکانزم کو فعال کرنا سنگین نتائج کا باعث بنے گا۔
