مہر خبررساں ایجنسی کے مطابق، عراقی حکومت کے ایک ذریعے نے آگاہ کیا ہے کہ الجولانی نے بغداد میں ہونے والے عرب سربراہی اجلاس میں شرکت کے لیے امریکہ سے ضمانت کی درخواست کی ہے۔
الجولانی نے عراق میں ممکنہ حملے کے خوف سے ایک امریکی سکیورٹی کمپنی سے تحفظ کی ضمانت کی درخواست کی ہے۔
ذرائع نے بتایا کہ الجولانی کی درخواست بغداد کی طرف سے دی گئی ضمانتوں کے باوجود کی گئی۔
ذرائع نے مزید کہا کہ بغداد نے عرب سربراہی اجلاس میں شرکت کے لیے الجولانی کی سکیورٹی کے حوالے سے بہت سی ضمانتیں دی ہیں لیکن دمشق انہیں کافی نہیں سمجھتا!
مذکورہ ذریعے نے کہا کہ الجولانی کی بغداد اجلاس میں موجودگی یا غیر موجودگی کا انحصار حفاظتی اقدامات پر ہے۔
