مہر خبررساں ایجنسی کے مطابق، صہیونی وزیر اعظم نتن یاہو کا دورہ آذربائجان منسوخ ہوگیا ہے۔
تفصیلات کے مطابق اسرائیلی اخبار ٹائمز آف اسرائیل نے کے دفتر کے حوالے سے کہا ہے کہ وزیر اعظم نے خطے کی تازہ سیکیورٹی صورتحال کے پیش نظر آذربائیجان کے دورے کو مؤخر کرنے کا فیصلہ کیا ہے۔ یہ دورہ 7 سے 11 مئی کے درمیان طے شدہ تھا۔
نتن یاہو کے دفتر نے وضاحت کی کہ غزہ اور شام کی صورت حال اور وزیرِاعظم کی سیاسی و سیکیورٹی مصروفیات کے باعث یہ دورہ ملتوی کیا گیا ہے۔
قبل ازیں ترک صدر رجب طیب اردوان کے دفتر نے واضح کیا تھا کہ ترکی، اسرائیلی وزیرِاعظم کو آذربائیجان جانے کے لیے اپنی فضائی حدود استعمال کرنے کی اجازت نہیں دے گا۔
واضح رہے کہ نتن یاہو کا یہ دورہ خطے کی بدلتی ہوئی سیاسی و سیکیورٹی فضا میں غیرمعمولی اہمیت رکھتا تھا۔
