تیجسوی یادو کے بیٹے کی ولادت پر خوشی کی لہر، آر جے ڈی کارکنان نے بانٹی مٹھائیاں
آر جے ڈی کے سیکڑوں کارکنان نے منگل کی صبح پارٹی کے ریاستی دفتر میں جمع ہو کر ایک دوسرے کو مٹھائی کھلائی اور تیجسوی یادو اور ان کی اہلیہ راج شری یادو کو بیٹے کی پیدائش پر مبارکباد پیش کی۔ کارکنان میں خوشی کا ماحول دیکھا گیا اور پورے دفتر کو خوبصورتی سے سجایا گیا۔
اس موقع پر آر جے ڈی کے ترجمان اعجاز احمد نے میڈیا سے گفتگو کرتے ہوئے کہا کہ ’’یہ خوشی صرف لالو خاندان کی نہیں بلکہ ان تمام لوگوں کی ہے جو بہار کے عوام اور آر جے ڈی کی پالیسیوں پر یقین رکھتے ہیں۔‘‘ انہوں نے مزید کہا کہ آج پورے بہار میں خوشی کا ماحول ہے۔
