’مودی حکومت آل پارٹی میٹنگ اور پارلیمانی بحث سے کیوں بھاگ رہی ہے، آخر وہ کیا چھپانا چاہتی ہے؟‘ کانگریس کا سوال
انہوں نے کہا کہ جب ملک شفافیت، وضاحت اور فیصلہ کن قیادت کا مطالبہ کر رہا ہے، تو ایسے میں وزیراعظم نریندر مودی کا آل پارٹی میٹنگ میں شامل نہ ہونا اور جو مطالبہ ملکارجن کھڑگے اور راہل گاندھی نے کیا کہ پارلیمنٹ کا خصوصی اجلاس بلایا جائے تاکہ آپریشن سندور اور پہلگام حملے پر بحث ہو سکے، تو مودی جی اس بحث سے بھاگ کیوں رہے ہیں؟ آخرکار مودی حکومت کیا چھپانا چاہتی ہے؟ وہ ان اہم قومی معاملات پر پارلیمنٹ میں گفتگو سے کیوں بچ رہی ہے؟ ہم اراکینِ پارلیمنٹ، ملک کے تئیں جواب دہ ہیں، عوام کے تئیں جواب دہ ہیں، اور عوام آپریشن سندور اور پہلگام حملے کی تفصیلات جاننا چاہتے ہیں۔
پرینیتی نے مزید کہا، آل پارٹی میٹنگ میں مودی جی کی غیر موجودگی نہایت افسوسناک ہے۔ ہم ایک بار پھر مطالبہ کرتے ہیں کہ آپریشن سندور سے متعلق تمام معلومات پر مشتمل ایک آل پارٹی میٹنگ بلائی جائے، جس کی صدارت خود وزیراعظم کریں لیکن ایسا محسوس ہوتا ہے کہ یا تو حکومت کچھ چھپانے کی کوشش کر رہی ہے، یا وہ سچائی سے فرار چاہتی ہے، یا پھر اس حقیقت کو قبول نہیں کرنا چاہتی کہ ممکن ہے حکومت کی وجہ سے پورے ملک کی شبیہ عالمی سطح پر کمزور دکھائی دے رہی ہے۔
