پنجاب اور ہریانہ میں شدید گرمی کی لہر، بھٹنڈہ اور روہتک میں پارہ 43 ڈگری سے اوپر، محکمہ موسمیات کا انتباہ

محکمہ صحت کی جانب سے بھی لُو سے بچاؤ کے لیے گائیڈ لائنز جاری کی گئی ہیں، جن میں ہلکے کپڑے پہننے، دھوپ سے بچاؤ کے لیے سر ڈھانپنے اور جسم کو ہائیڈریٹ رکھنے پر زور دیا گیا ہے۔ کسانوں، تعمیراتی مزدوروں اور دیگر محنت کش طبقے کو خاص احتیاط برتنے کی تاکید کی گئی ہے۔

شدید گرمی کی لہر کے پیش نظر تعلیمی اداروں کے اوقات میں ممکنہ تبدیلیوں پر غور کیا جا رہا ہے۔ محکمہ تعلیم کی جانب سے اسکولوں کو ہدایات دی گئی ہیں کہ وہ طلبہ کی صحت کو مدنظر رکھتے ہوئے وقت میں کمی یا دیگر متبادل انتظامات پر غور کریں۔

فی الحال علاقے میں بارش کی کوئی پیش گوئی نہیں کی گئی، جس کی وجہ سے آنے والے دنوں میں گرمی کی شدت میں کمی کی امید بہت کم ہے۔ عوام سے کہا گیا ہے کہ وہ محتاط رہیں اور حکومتی ہدایات پر عمل کریں تاکہ شدید موسم کے اثرات سے محفوظ رہ سکیں۔