دہلی میں موسم ہوا سہانا، آنے والے دنوں میں کئی ریاستوں میں آندھی-بارش کا امکان

دہلی-این سی آر میں ہفتہ کو موسم کافی سہانا ہو گیا۔ شام کو اچانک آئی آندھی اور بارش سے لوگوں کو گرمی سے راحت ملی۔ محکمہ موسمیات نے پہلے ہی پری مانسون بارش کا امکان ظاہر کیا تھا۔ دہلی میں بارش ہونے کی وجہ سے کم سے کم درجہ حرارت 27 ڈگری تک اور زیادہ سے زیادہ درجہ حرارت 37 ڈگری تک پہنچ گیا۔ آئی ایم ڈی نے بتایا کہ دہلی، پنجاب، ہریانہ اور چنڈی گڑھ میں آج بھی آندھی طوفان کے ساتھ بارش ہونے کا امکان ہے۔

محکمہ موسمیات کے مطابق 14 مئی تک شمال مغربی، مشرقی اور جنوبی اور شمالی ہند میں پری مانسون کا دور رہ سکتا ہے۔ اس دوران کئی ریاستوں میں 60 سے 70 کلومیٹر فی گھنٹے کی رفتار سے آندھی-طوفان آنے کا امکان ہے۔ محکمہ موسمیات نے اس طرح کے موسم کے دوران لوگوں کو گھروں میں رہنے کی صلاح دی ہے۔ ساتھ ہی لُو چلنے کی وارننگ بھی جاری کی گئی ہے۔ 15 مئی کے بعد شمالی ہند میں بارش کے آثار ہیں۔

محکمہ موسمیات نے بتایا کہ پری مانسون کے بعد شدید لُو چلنے کا امکان ہے۔ اتر پردیش میں 14 سے 16 مئی کے درمیان، بہار میں آج سے ہی لُو چلنے کے آثار ظاہر کیے گئے ہیں۔ جھارکھنڈ اور اوڈیشہ میں 11 سے 14 مئی کے درمیان لُو چل سکتی ہے۔ تمل ناڈو، کیرالہ اور آسام میں لُو چلنے کا امکان ہے۔

محکمہ موسمیات نے 12-11 مئی کو دہلی، پنجاب، ہریانہ، اتراکھنڈ، ہماچل پردیش میں بارش کے ساتھ آندھی طوفان کا الرٹ جاری کیا ہے۔ محکمہ موسمیات نے بتایا کہ آنے والے دنوں میں گرج، تڑپ اور 60 کلومیٹر فی گھنٹے کی رفتار سے آندھی چلنے کا امکان ہے۔ وہیں اتر پردیش کے کئی ضلعوں میں 11 مئی، 12 مئی کو راجستھان میں بارش ہو سکتی ہے۔ حالانکہ محکمہ موسمیات نے 15 مئی تک پنجاب، ہریانہ، چنڈی گڑھ اور دہلی میں بارش ہونے کی بات کہی ہے۔ پوروانچل کے کچھ ضلعوں میں 15 اور 16 مئی کو بارش ہونے کا امکان ہے۔

محکمہ موسمیات نے جنوبی ہند کی ریاستوں میں بھی بارش کا امکان ظاہر کیا ہے۔ ان ریاستوں میں گرج تڑپ کے ساتھ 70 کلومیٹر فی گھنٹے کی رفتار سے ہوائیں چلنے اور پری مانسون والی بارش ہونے کا امکان ہے۔ محکمہ موسمیات نے بتایا کہ آندھرا پردیش، ینم، تلنگانہ، کرناٹک، پڈوچیری میں 14 اپریل تک بارش ہو سکتی ہے ہے۔ 13 اور 14 مئی کو تمل ناڈو، پڈوچیری اور کرائیکل میں بارش کا امکان ہے۔