حیدرآباد: تلنگانہ کے میڑچل ضلع میں تیندوے کی موجودگی سے سنسنی پھیل گئی۔ضلع کے کونا پور کے قریب یہ تیندوادیکھاگیا۔
قریبی گاؤں چنا تانڈہ کے مقامی افرادنے بتایا کہ انہوں نے ایک تیندوا دیکھا جو اپنے چار بچوں کے ساتھ گھوم رہا تھا۔
اس اطلاع پر محکمہ جنگلات کے حکام کو فوری طور پر چوکس کیا گیاجس کے بعد محکمہ جنگلات کے عہدیدار وہاں پہنچے جنہوں نے صورتحال کا جائزہ لیا۔
ان عہدیداروں اور پولیس نے تیندوے کو جنگل کی طرف واپس بھیجنے کے خصوصی انتظامات کئے۔
مقامی افراد کے ساتھ مل کر انہوں نے پٹاخے چلائے اور ڈھول کی آوازوں سے ماحول کو پُرشورکر دیا تاکہ تیندوا انسانی آبادی سے دورچلاجائے۔
فارسٹ ڈپٹی رینج آفیسر سرینواس نے ارد گرد کے دیہات کے افرادکو مشورہ دیا ہے کہ رات کے وقت اکیلے باہر نہ نکلیں تاکہ کسی بھی ممکنہ خطرے سے بچا جا سکے۔
