مودی حکومت نے اپوزیشن کی جدوجہد کے سامنے جھک کر ذات پر مبنی مردم شماری کرانے کا فیصلہ کیا: جے رام رمیش
جے رام رمیش نے کہا، ’’یہ کوئی نیا رجحان نہیں ہے، جبکہ بی جے پی حکومت کا یہی طریقۂ کار رہا ہے — پہلے مخالفت کرو، بدنام کرو اور پھر اسی اسکیم کو اپنا کر اس کا کریڈٹ لینے کی کوشش کرو۔‘‘
انہوں نے کہا کہ یاد کیجئے، کس طرح مودی نے پارلیمان میں منریگا کو ’ناکامی کی یادگار‘ قرار دیا تھا لیکن جب کورونا وبا کے دوران دیہی علاقوں میں روزگار کا بحران آیا، تو یہی منریگا ملک کے غریبوں کی ریڑھ کی ہڈی ثابت ہوئی۔ حکومت نے نہ صرف اس کا بجٹ بڑھایا بلکہ اسے اپنی کامیابی کے طور پر پیش کیا۔
