لائن آف کنٹرول پر آٹھویں روز بھی جنگ بندی کی خلاف ورزی، ہندوستانی فوج کا مؤثر جواب
پہلگام میں حالیہ دہشت گردانہ حملے کے بعد لائن آف کنٹرول (ایل او سی) پر صورتحال مسلسل کشیدہ ہے۔ پاکستان نے ایک بار پھر جنگ بندی معاہدے کی خلاف ورزی کرتے ہوئے آٹھویں رات بھی فائرنگ کی، جس پر ہندوستانی فوج نے بھرپور اور مؤثر جواب دیا۔
رپورٹ کے مطابق، یکم اور 2 مئی کی درمیانی شب پاکستانی فوج نے جموں و کشمیر کے مختلف سرحدی علاقوں—کپواڑہ، بارہمولہ، پونچھ، نوشہرہ اور اکھنور کے سامنے واقع اپنی چوکیاں استعمال کرتے ہوئے بلا اشتعال فائرنگ کی۔ یہ سلسلہ گزشتہ کئی دنوں سے جاری ہے اور ہندوستانی فوج ہر بار اس جارحیت کا مناسب اور متوازن جواب دے رہی ہے۔
