حیدرآباد: حیدرآباد کی فلم نگر پولیس نے ایک شخص کے خلاف شادی کا جھانسہ دے کر ایک خاتون کا جنسی استحصال کرنے اور حاملہ کرنے کے الزام میں مقدمہ درج کرلیا۔
ملزم، 28 سالہ آرچت پی، جو کہ ایک سافٹ ویئر پروفیشنل ہے، ایک سال قبل متاثرہ خاتون سے رابطہ میں آیا تھا اور دونوں کے درمیان قریبی تعلقات قائم ہوگئے تھے۔
آرچت نے مبینہ طور پر خاتون سے وعدہ کیا تھا کہ وہ جلد ہی اس سے شادی کرے گا۔فروری میں، خاتون حاملہ ہوگئی، جس پر آرچت اسے اسقاط حمل کے لیے اسپتال لے گیا۔بعد ازاں، متاثرہ خاتون نے پولیس سے رجوع ہوتے ہوئے الزام عائد کیا کہ آرچت نے شادی کا جھانسہ دے کر اس کے ساتھ دھوکہ کیا ہے۔
تاہم، پولیس نے دونوں کی کونسلنگ کی اور واپس بھیج دیا۔مئی کے وسط میں، خاتون نے دوبارہ پولیس سے رجوع کیا اور الزام لگایا کہ آرچت نے اسے شادی کا وعدہ کر کے جنسی زیادتی کا نشانہ بنایا۔ شکایت کی بنیاد پر پولیس نے آرچت کے خلاف مقدمہ درج کرلیا ہے اور تحقیقات جاری ہیں۔
