نئی دہلی: عدالتی خدمات کے سلسلہ میں ایک اہم فیصلہ میں سپریم کورٹ نے منگل کو سول جج (جونیئر ڈویژن) کے عہدہ کے امیدواروں کے وکیل کے طور پر کم از کم تین سال کی پریکٹس کی شرط کو بحال کردیا ہے۔
فیصلہ سناتے ہوئے چیف جسٹس بی آر گوائی، جسٹس اے جی مسیح اور جسٹس کے ونود چندرن کی بنچ نے واضح کیا کہ کم از کم تجربہ کی شرائط جاری عدالتی بھرتی کے عمل پر لاگو نہیں ہوں گی۔
یہ صرف مستقبل کے امتحانات کے لیے لاگو ہوگا۔عدالت عظمیٰ نے کہاکہ "کم از کم قانونی مشق کی ضرورت ان جگہوں پر لاگو نہیں ہوگی جہاں ہائی کورٹس نے پہلے ہی سول ججوں (جونیر ڈویژن) کی تقرری کا عمل شروع کر دیا ہے۔
اس کا اطلاق اگلے تقرری کے عمل کے آغاز پر ہی ہوگا۔”بنچ نے یہ بھی کہا کہ امیدواروں کا کم از کم تجربہ بار میں 10 سال کا تجربہ رکھنے والے وکیل کے ذریعہ تصدیق شدہ ہونا چاہئے۔
عدالت عظمیٰ نے کہا کہ اس سلسلے میں ججوں کے لاء کلرک کے طور پر کام کرنے کی مدت کو بھی کم از کم 3 سال کے تجربہ میں شامل کیا گیا ہے۔
