حیدرآباد: تلنگانہ کی اپوزیشن جماعت بی آر ایس کے کارگزار صدر وسابق وزیرکے ٹی راما راؤ کو ایک اور باوقار بین الاقوامی دعوت نامہ موصول ہوا۔
لندن میں قائم مشہور آٹوموبائل انجینئرنگ سروسس کمپنی پرائمٹک ڈیزائن سولیوشنس لمیٹڈ نے برطانیہ کے واروک ٹکنالوجی پارک میں قائم اپنے نئے مرکز کے افتتاح کے لئے کے ٹی آر کو مدعو کیا ہے۔
یہ کمپنی دنیا کی چند بڑی اور مشہور کار ساز کمپنیوں جیسے میکلارن، آسٹن مارٹن، اور جاگوار لینڈ روور کو انجینئرنگ سروسس فراہم کرتی ہے اور پچھلے 15 سال سے آٹوموٹو صنعت میں مصنوعات اور خدمات فراہم کرتی آ رہی ہے۔
اب اس نے اعلان کیا ہے کہ اپنے نئے مرکز کے ذریعہ وہ آٹوموٹو ڈیولپمنٹ اور ٹیسٹنگ سرگرمیوں کو مزید وسعت دے گی۔کمپنی نے باضابطہ طور پر کے ٹی آر کو دعوت دی ہے۔
کے ٹی آر نے کمپنی کی دعوت پر خوشی کا اظہار کیا اور بتایا کہ وہ شخصی طور پر افتتاحی تقریب میں شرکت کریں گے۔
