حیدرآباد:مس ورلڈ 2025 کے عالمی مقابلے میں شریک مختلف ممالک کی حسیناؤں نے جمعہ کے روز حیدرآباد کے معروف اے آئی جی ہاسپٹل کا دورہ کیا۔ یہ دورہ تلنگانہ حکومت کی جانب سے میڈیکل ٹورازم کو فروغ دینے کے ایک خصوصی اقدام کا حصہ تھا۔
دورے کے دوران، شریک حسیناؤں نے اسپتال کے مختلف شعبہ جات کا مشاہدہ کیا اور وہاں دستیاب جدید ترین طبی سہولیات پر اپنی خوشی اور حیرت کا اظہار کیا۔ ان کا کہنا تھا کہ ایسی سہولیات عالمی معیار کی ہیں اور صحت کے میدان میں بھارت، خصوصاً تلنگانہ، تیزی سے ترقی کر رہا ہے۔
حکام نے بتایا کہ اس طرح کے بین الاقوامی دورے نہ صرف ریاست کی ہیلتھ کیئر انڈسٹری کو عالمی سطح پر اجاگر کرتے ہیں، بلکہ یہ تلنگانہ کو علاج معالجے کے لیے ایک ترجیحی مقام بنانے میں بھی کلیدی کردار ادا کرتے ہیں۔
