نئی دہلی: بارڈر سیکورٹی فورس (بی ایس ایف) کے جوانوں نے جمعرات کی رات جموں فرنٹیئر کے سانبہ سیکٹر میں دراندازی کی کوشش کرنے والے سات دہشت گردوں کو ہلاک کردیا۔
بی ایس ایف کے ایک ترجمان نے جمعہ کو کہا کہ سرویلنس گرڈ کو دہشت گردوں کے سانبہ سیکٹر میں دراندازی کی کوشش کرنے کی اطلاع ملی تھی۔
پاکستان رینجرز دھاندھار پوسٹ سے فائرنگ کر کے دہشت گردوں کو کور فراہم کر رہے تھے۔
چوکس بی ایس ایف جوانوں نے دراندازی کی کوشش کو ناکام بناتے ہوئے کم از کم 7 دہشت گردوں کو ہلاک کردیا اور پاک پوسٹ دھاندھر کو بڑا نقصان پہنچایا۔
بی ایس ایف نے پاکستانی پوسٹ کو تباہ کرنے کی ویڈیو بھی جاری کی ہے۔
