واشنگٹن/نئی دہلی: جب ہندوستان نے پہلگام کا بدلہ لینے کے لیے پاکستان میں دہشت گرد کیمپوں پر بمباری کی تو امریکی صدر ڈونالڈ ٹرمپ نے کہا کہ وہ جانتے ہیں ’کچھ ہونے والا ہے‘ اور امید ہے کہ’یہ جلد ہی ختم ہو جائے گا۔’‘
وائٹ ہاؤس میں صحافیوں سے بات کرتے ہوئے، مسٹر ٹرمپ نے ہندوستانی مسلح افواج کی طرف سے شروع کیے گئے آپریشن سندور پر تبصرہ کرتے ہوئے کہا ’یہ شرم کی بات ہے، ہم نے ابھی اس کے بارے میں سنا، بالکل اسی وقت جب ہم اوول کے دروازے پر چل رہے تھے۔
‘‘ پہلگام دہشت گردانہ حملے کا ذکر کرتے ہوئے، انہوں نے کہا ’’میں نے ابھی اس کے بارے میں سنا ہے، مجھے لگتا ہے کہ ہم جانتے تھے کہ کچھ ہونے والا ہے‘‘
امریکی صدر نے کہا ’’وہ (ہندوستان- پاکستان ) ایک طویل عرصے سے لڑ رہے ہیں، وہ کئی، کئی دہائیوں سے لڑ رہے ہیں… اب میں صرف امید کرتا ہوں کہ یہ بہت جلد ختم ہو جائے گا۔‘‘
قابل ذکر ہے کہ صدر ٹرمپ پہلے عالمی رہنما تھے جنہوں نے 22 اپریل کو پہلگام حملے کے فوراً بعد وزیر اعظم نریندر مودی کو فون کیا اور ان سے بات کی اور دہشت گردانہ حملے کی مذمت کی اور مدد کی پیشکش کی۔
ٹرمپ نے کہا کہ امریکہ نے ہندوستان اور پاکستان کے تعلقات میں مداخلت نہ کرنے کا فیصلہ کیا ہے اور دونوں فریقین کو آپس میں مسائل حل کرنے دیں۔
اس سے قبل، رات گئے ایک بیان میں، وزارت دفاع نے کہا کہ ہندوستانی مسلح افواج نے پاکستان اور پاکستان کے زیر قبضہ کشمیر میں دہشت گردی کے بنیادی ڈھانچے کو ختم کرنے کے لیے ‘آپریشن سندور’ شروع کیا جہاں سے ہندوستان کے خلاف دہشت گردانہ حملوں کی منصوبہ بندی اور ہدایت کی گئی تھی۔ ہندوستان نے کل ملاکر ر نو مقامات کو نشانہ بنایا گیا ہے۔
