نئی دہلی: ہندوستانی مسلح افواج نے منگل کی رات پاکستان اور پاکستان کے زیر قبضہ جموں و کشمیر میں دہشت گردوں کے ٹھکانوں کو نشانہ بناتے ہوئے ’آپریشن سندور‘ شروع کیا جہاں سے ہندوستان کے خلاف دہشت گردانہ حملوں کی منصوبہ بندی اور ہدایت کی گئی تھی۔
دیر رات وزارت دفاع نے بتایا کہ فورسز نے کل نو (09) مقامات کو نشانہ بنایا۔ وزارت نے کہا کہ فورسز کی کارروائی مرکوز، عین مطابق اور غیر متشدد نوعیت رہی ہے۔ کسی پاکستانی ملٹری اسٹیبلشمنٹ کو نشانہ نہیں بنایا گیا۔ ہندوستان نے اہداف کے انتخاب اور ان پر عملدرآمد کے انداز میں کافی تحمل کا مظاہرہ کیا ہے۔
یہ کارروائی پہلگام میں وحشیانہ دہشت گردانہ حملے کے بعد کی گئی ہے جس میں 25 ہندوستانی اور ایک نیپالی شہری ہلاک ہوئے تھے۔ وزارت نے کہا کہ ہندوستان اپنے اس عزم پر قائم ہے کہ اس حملے کے ذمہ داروں کا احتساب کیا جائے گا۔ ’آپریشن سندور‘ پر تفصیلی معلومات بریفنگ میں دی جائیں گی۔
