شہداء کی بیویوں کی توہین: بی جے پی رکنِ پارلیمنٹ کے بیان پر کانگریس برہم، وزیر اعظم سے فوری کارروائی کا مطالبہ

کانگریس نے وزیر اعظم نریندر مودی سے مطالبہ کیا ہے کہ وہ اس بیان پر معافی مانگیں اور رام چندر جانگڑا کو پارٹی سے نکالیں۔ جے رام رمیش نے سوال اٹھایا کہ اگر بی جے پی قیادت ان بیانات پر خاموش ہے تو کیا اسے ان کی خاموش منظوری سمجھا جائے؟

یہ معاملہ اس لیے حساس بن گیا کیونکہ سوشل میڈیا پر شہید افسر ونے نروال کی اہلیہ اور دیگر خواتین کو ٹرول کیا گیا لیکن حکومت کی طرف سے کسی قسم کی قانونی کارروائی سامنے نہیں آئی۔ کانگریس نے مطالبہ کیا ہے کہ نہ صرف معافی بلکہ فوری برطرفی کے ذریعے یہ ثابت کیا جائے کہ بی جے پی خواتین اور فوجی اہلکاروں کے احترام میں سنجیدہ ہے۔