حیدرآباد: کالیشور م میں جاری پشکرالو کے دوران شردھالوووں کا ہجوم دیکھاجارہا ہے۔
وقفہ وقفہ سے بارش کے نتیجہ میں شردھالوووں کو شدید مشکلات کاسامناکرناپڑرہا ہے۔ تریوینی سنگم میں مقدس ڈبکی لگانے والوں کی تعداد بڑھ رہی ہے۔
تلنگانہ کے ساتھ ساتھ پڑوسی ریاستوں آندھراپردیش اور کرناٹک کے علاوہ مہاراشٹراسے شردھالوووں کی بڑی تعداد یہاں آرہی ہے۔ سرکاری اندازوں کے مطابق اب تک تقریباً ایک کروڑ 25لاکھ افراد نے مقدس ڈبکی لگائی۔
پشکر گھاٹ پر کیچڑ جمع ہونے کی وجہ سے شردھالووں کو شدید مشکلات کا سامنا کرنا پڑ رہا ہے۔ نہ صرف گھاٹ، بلکہ اہم سڑکیں اور پارکنگ کے علاقے بھی کیچڑ سے بھر گئے ہیں، جس سے گاڑی چلانے والوں کو بھی پریشانی کا سامنا ہے۔
بارش کی شدت کے باعث ندی میں پانی کا بہاؤ بھی بڑھ گیا ہے، جس کے پیش نظر انتظامیہ نے شردھالووں کو خطرناک علاقوں میں داخل ہونے سے روکنے کے لیے آہنی باڑ لگا دی ہے۔ کالیشورم پہنچنے والی پرائیویٹ گاڑیوں کی تعداد میں غیر معمولی اضافہ ہونے سے ٹریفک میں بھی خلل پیدا ہو رہا ہے۔
