آئی پی ایل پارٹ 2 کا پہلا میچ بارش کی نذر،  کے کے آرپلے آف کی دوڑ سے باہر

انڈین پریمیئر لیگ (آئی پی ایل) 2025 میں  کل یعنی ہفتہ کو رائل چیلنجرز بنگلور (آر سی بی) اور کولکتہ نائٹ رائیڈرز (کے کے آر) کے درمیان میچ بارش کی وجہ سے ضائع ہو گیا۔ اس کی وجہ سے دفاعی چیمپئن کولکتہ اب پلے آف کی دوڑ سے باہر ہو گئی ہے۔ فی الحال کے کے آر 12 پوائنٹس کے ساتھ چھٹے نمبر پر ہے۔ لیکن پلے آف میں پہنچنے کی امیدیں اب ختم ہو چکی ہیں۔ وہیں، آر سی بی17 پوائنٹس کے ساتھ پہلی پوزیشن پر ہے۔ اس کا مطلب ہے کہ پلے آف میں آر سی بی  کی سیٹ اب یقینی ہو گئی ہے۔ آر سی بی کے ابھی 2 میچ باقی ہیں۔

آئی پی ایل پارٹ 2 کا پہلا میچ بارش کی نذر ہو گیا۔ اس میچ کو دیکھنے کے لیے شائقین کی بڑی تعداد موجود تھی۔ کوہلی کے ٹیسٹ کرکٹ سے ریٹائرمنٹ کے فیصلے کے بعد یہ پہلا موقع تھا جب وہ میدان میں تھے۔ شائقین کی بڑی تعداد سفید جرسیوں میں انہیں خوش کرنے کے لیے پہنچی۔ لیکن بارش کی وجہ سے ٹاس نہیں ہو سکا۔

رائل چیلنجرز بنگلور اس وقت آئی پی ایل 2025 پوائنٹس ٹیبل میں سب سے اوپر ہے۔ آر سی بی کے 12 میچوں میں 8 جیت  اور ایک ڈرا سے 17 پوائنٹس ہیں۔ اس میچ میں جیت کے بعد پلے آف میں جگہ پکی ہو گئی ہے۔ دوسری جانب کولکتہ نائٹ رائیڈرز ٹیبل میں چھٹے نمبر پر ہے۔ آر سی بی سے میچ کے بعدکے کے آر پلے آف کی دوڑ سے پوری طرح باہر ہو گیا ہے۔

انڈین پریمیئر لیگ میں اب تک رائل چیلنجرز بنگلور اور کولکتہ نائٹ رائیڈرز کے درمیان 36 میچ کھیلے جا چکے ہیں۔ اس دوران کولکتہ کی ٹیم نے 20 میچ جیتے ہیں۔ جبکہ آر سی بی نے 15 میچ جیتے ہیں۔ ایک میچ بے نتیجہ رہا۔ اس سے قبل 22 مارچ 2025 کو دونوں ٹیمیں ایڈن گارڈنز میں آمنے سامنے تھیں۔ اس میچ میں آر سی بی نے 7 وکٹوں سے کامیابی حاصل کی۔