حیدرآباد: حیدرآباد کے نواحی علاقہ میر پیٹ پولیس اسٹیشن کے حدود میں ایک افسوسناک واقعہ اس وقت پیش آیا جب ایک 5 سالہ بچہ پارک میں کھیلتے ہوئے لوہے کی سلاخ پر گر کر شدید زخمی ہو گیا اور بعد ازاں اس کی موت ہوگئی۔
تفصیلات کے مطابق پرساد اور وانی، جو میرپیٹ کے جیلل گوڑہ، داسری نارائن راؤ کالونی کے رہنے والے ہیں کو دو بیٹیاں اور ایک بیٹا 5 سالہ نکھل ہے۔
نکھل اپنے محلہ کے دوستوں کے ساتھ روزمرہ کی طرح منترالہ تالاب کے پاس واقع اوپن جِم پارک میں ’ایئر سوِنگ‘ پر کھیل رہا تھا۔
کھیل کے دوران اتفاقاً وہ لوہے کی سلاخ پر گر پڑا جس سے اسے شدید زخم آئے۔ مقامی افراد نے فوری طور پر اس کے گھر والوں کو اطلاع دی۔
اسے فوراً ایک پرائیویٹ اسپتال لے جایا گیا، لیکن ڈاکٹروں نے اسے مردہ قرار دیا۔لڑکے کے باپ پرساد کی شکایت پر پولیس نے کیس درج کرکے جانچ شروع کردی۔
