دہلی-این سی آر کی ہوا کا معیار بگڑ ا، گریپ کے تحت اسٹیج 1 کی کئی پابندیاں لگائی گئیں

دہلی-این سی آر میں ہوا کا معیار ایک بار پھر خراب سطح پر پہنچ گیا ہے۔ اس کی وجہ سے، کمیشن فار ایئر کوالٹی مینجمنٹ (سی اے کیو ایم) نے دہلی-این سی آر میں ایک سنجیدہ موقف اپنایا ہے اور ‘گریڈڈ ریسپانس ایکشن پلان’ یعنی گریپ(GRAP) کے پہلے مرحلے یعنی اسٹیج-1 کو فوری طور پر نافذ کرنے کا حکم جاری کیا ہے۔

واضح رہے کہ بدھ کی رات مٹی کے طوفان کی وجہ سے ہوا کا معیار مزید بگڑ گیا تھا جو جمعہ کی شام تک بھی معمول پر نہیں آ سکا تھا۔ اس بات کو مدنظر رکھتے ہوئے یہ فیصلہ کیا گیا ہے تاکہ آلودگی کی صورتحال مزید خراب نہ ہو اور اسے بروقت روکا جا سکے۔ گریپ کی اسٹیج1 کے نفاذ سے پہلے، آئی ایم ڈی نے دہلی میں دھول کے طوفان سے متعلق اورنج الرٹ جاری کیا تھا۔ جمعہ کو پارہ 42 ڈگری تک پہنچ گیا جس کی وجہ سے دارالحکومت میں شدید گرمی محسوس کی گئی۔ تاہم دن کے کچھ حصوں میں تیز بارش ہوئی جس سے لوگوں کو کچھ راحت ملی۔

گریپ یعنی گریڈڈ رسپانس ایکشن پلان دہلی-این سی آر میں فضائی آلودگی سے نمٹنے کے لیے تیار کردہ مرحلہ وار حکمت عملی ہے۔ اس میں ایئر کوالٹی انڈیکس (اے کیو آئی) کے مطابق کئی درجات طے کیے گئے ہیں۔ GRAP-1 کو لاگو کیا جاتا ہے جب اے کیو آئی خراب’ زمرے میں پہنچ جاتا ہے۔ اس کے تحت تعمیراتی سرگرمیوں پر پابندی، ٹریفک کنٹرول، آلودگی پھیلانے والی صنعتوں پر پابندی اور پبلک ٹرانسپورٹ کے فروغ جیسے اقدامات کیے جاتے ہیں۔

دہلی-این سی آر میں GRAP کو 4 مراحل میں تقسیم کیا گیا ہے۔ جب دہلی میں اے کیو آئی کی سطح 201-300 کے درمیان ہوتی ہے تو مرحلہ-1 لاگو ہوتا ہے۔-مرحلہ-2 اس وقت عمل میں آتا ہے جب دارالحکومت میں ہوا کے معیار کا انڈیکس 301-400 کے درمیان ناپا جاتا ہے یعنی ‘انتہائی خراب’۔ اے کیو آئی کے 301-400 کی پیشن گوئی کی سطح تک پہنچنے سے کم از کم تین دن پہلے اس مرحلے کو نافذ کرنے کے لیے کارروائی شروع کی جاتی ہے۔مرحلہ 3 ‘شدید’ ہوا کے معیار کے درمیان نافذ کیا جاتا ہے۔مرحلہ-IV لاگو ہوتا ہے جب ہوا کے معیار کی شدید حالت یعنی 450 اے کیو آئی سے اوپر پہنچ جاتا ہے۔