آئی پی ایل 2025 بہت جلد شروع ہوگا! گجرات ٹائٹنز نے پریکٹس بھی شروع کر دی

اطلاعات کے مطابق، اب بی سی سی آئی جلد ہی آئی پی ایل 2025 کو دوبارہ شروع کرنے کا اعلان کر سکتا ہے۔ قیاس آرائیاں کی جا رہی ہیں کہ ٹورنامنٹ 16 یا 17 مئی کو دوبارہ شروع ہو سکتا ہے، جبکہ فائنل 30 مئی یا 1 جون کو کھیلا جا سکتا ہے۔ اب ایک نئی اپ ڈیٹ کے مطابق گجرات ٹائٹنز دوبارہ پریکٹس شروع کرنے والی پہلی ٹیم بن گئی ہے۔

ٹائمز آف انڈیا  میں شائع خبر کے مطابق ہندوستان اور پاکستان کے درمیان جنگ بندی کے معاہدے کے بعد گجرات ٹائٹنز نے احمد آباد کے نریندر مودی سٹیڈیم میں پریکٹس شروع کر دی ہے۔واضح رہے کہ گجرات اس وقت آئی پی ایل 2025 کے پوائنٹس ٹیبل میں 16 پوائنٹس کے ساتھ پہلی پوزیشن پر ہے۔ ٹائمز آف انڈیا کے حوالے سے گجرات ٹیم کے ایک اہلکار نے کہا کہ ٹیم بہت اچھی حالت میں ہے اور ایک بار پھر گرجنے کے لیے تیار ہے۔

بی سی سی آئی نے تمام 10 ٹیموں سے درخواست کی ہے کہ وہ جلد از جلد ٹیم کے کھلاڑیوں کو اکٹھا کریں۔ ٹورنامنٹ میں ابھی 16 میچز (بشمول پلے آف) باقی ہیں، جو 16 مئی سے شروع ہو سکتے ہیں۔ اسی رپورٹ میں انکشاف ہوا ہے کہ گجرات کی پوری ٹیم اکٹھی ہوئی ہے اور ایک ساتھ پریکٹس کرتے ہوئے دیکھا گیا ہے۔ فی الحال صرف جوس بٹلر اور جیرالڈ کوٹزی ٹیم کا حصہ نہیں ہیں۔

گجرات ٹائٹنز  کی ٹیم شروع سے ہی آئی پی ایل 2025 جیتنے کا ایک بڑی دعویدار رہی ہے۔ اس وقت اس ٹیم کے 3 کھلاڑی اورنج کیپ کی دوڑ میں شامل ہیں۔ سائی سدرشن (509 رنز)، شبمن گل (508) اور جوس بٹلر (500 رنز) نے سب سے زیادہ رنز بنائے۔ دوسری جانب پرپل کیپ بھی اس وقت گجرات ٹائٹنز کے ایک کھلاڑی کے پاس ہے۔ گجرات کے ابھی 3 میچ باقی ہیں اور وہ ٹیبل کے ٹاپ-2 میں جگہ بنا سکتی ہے۔