نئی دہلی / جموں (پی ٹی آئی) بارڈر سیکوریٹی فورس(بی ایس ایف) نے جموں میں ہند۔ پاک بین الاقوامی سرحد سے دراندازی کی کوشش کرنے والے 7 دہشت گردوں کو ہلاک کردیا۔
اس نے پاکستان رینجرس کی ایک چوکی بھی تباہ کردی۔ دراندازی کا واقعہ 8 اور 9 مئی کی درمیانی شب سامبا سیکٹر میں پیش آیا۔ سرویلانس گرڈ سے پتہ چلا کہ دہشت گردوں کا ایک بڑا گروپ دراندازی کی کوشش میں ہے۔
اس گروپ کی مدد کے لئے پاکستان رینجرس کور فائر دے رہے تھے یعنی سرحد پار سے فائرنگ کی جارہی تھی۔
بی ایس ایف ترجمان نے یہ بات بتائی۔ بی ایس ایف نے پاکستان رینجرس کی تباہ چوکی کی تھرمل امیجر کلپ بھی شیئر کی۔ دونوں ممالک کے درمیان بڑھتی کشیدگی کے مدنظر بی ایس ایف پوری طرح الرٹ ہے۔
