مہر خبررساں ایجنسی کی رپورٹ کے مطابق، خلیج فارس تعاون کونسل کے سیکرٹری جنرل جاسم البداوی نے ایک بیان میں شام پر قابض الجولانی کی رہائش گاہ کے قریب اسرائیلی حکومت کے فضائی حملے کو خطے کے استحکام کے لئے خطرہ قرار دیتے ہوئے تشویش کا اظہار کیا۔
انہوں نے شام کی خودمختاری، آزادی اور علاقائی سالمیت کے احترام اور اس کے اندرونی معاملات میں کسی بھی بیرونی مداخلت کی مخالفت پر زور دیا۔
اس سے قبل قطر اور سعودی عرب نے بھی اسرائیلی حملے پر ردعمل ظاہر کرتے ہوئے اس کی شدید مذمت کی ہے۔
