پہلگام حملہ: تحقیقات کی درخواست سپریم کورٹ سے خارج، عدالت نے کہا- ’یہ وقت مناسب نہیں‘

عدالت نے درخواست گزار کی درخواست پر سخت ردعمل ظاہر کرتے ہوئے کہا کہ ایسی درخواستیں اس وقت دائر کرنا مناسب نہیں ہیں، جب ملک اور اس کی فوجی فورسز مشکل حالات کا سامنا کر رہی ہیں۔ ججوں نے یہ بھی کہا کہ ملک کے شہریوں کے لیے یہ ایک انتہائی نازک وقت ہے اور اس وقت اس قسم کی درخواستوں سے اجتناب کرنا چاہیے۔

جب درخواست گزار نے اپنی درخواست واپس لینے کی خواہش ظاہر کی، تو سالیسٹر جنرل تشار مہتا نے عدالت سے درخواست کی کہ اس کو ہائی کورٹ جانے سے بھی روکا جائے۔ عدالت نے درخواست گزار کو ہدایت کی کہ وہ اس طرح کی درخواستیں دائر کرنے سے گریز کریں کیونکہ یہ حالات کے مطابق نہیں ہیں۔