حیدرآباد: تلنگانہ کے ناگرکرنول ضلع میں تیندوے کی موجودگی سے عوام میں خوف پایاجاتا ہے۔
ضلع کے دومالا پینٹ گاؤں میں عوام اس جنگلی جانور کی موجودگی سے گھروں سے نکلنے سے گریز کررہے ہیں اور ان میں تشویش پائی جاتی ہے۔
تقریباً 11 بجے شب تیندوا گھروں کے درمیان سے گزرتا ہوا دیکھا گیا، جس سے مقامی افراد میں فکر مندی دیکھی گئی جنہوں نے محکمہ جنگلات کے عہدیداروں سے خواہش کی کہ وہ اس کو پکڑنے کے اقدامات کریں۔
مقامی افراد کے مطابق یہ تیندواگذشتہ ماہ کی 22 تاریخ سے اب تک تین مرتبہ گاؤں میں نظر آیا اور اس کی نقل و حرکت کی ویڈیوز سی سی ٹی وی کیمروں میں قید ہوگئی ہیں۔
حیرت انگیز طور پر یہ تیندواسابق نائب سرپنچ پرساد کے گھر کے سامنے تین مرتبہ دیکھا گیا۔دومالا پینٹ کے عوام رات کے وقت خوف کے سائے میں زندگی گزارنے پر مجبور ہو چکے ہیں۔
مقامی افراد نے حکام سے اپیل کی ہے کہ فوری طور پر ایک پنجرہ نصب کر کے اس کو قابو میں لایا جائے تاکہ گاؤں میں سکون بحال ہو سکے۔
