حیدرآباد: حیدرآباد کے کوکٹ پلی پولیس اسٹیشن کی حدود میں، لودھا اپارٹمنٹ کے سامنے ایک ویران علاقہ میں ایک آٹو ڈرائیور نے درخت سے پھانسی لے کرخودکشی کر لی۔
مقامی افراد کی اطلاع پر پولیس وہاں پہنچی جس نے لاش کو پوسٹ مارٹم کے لئے ہاسپٹل منتقل کر دیا۔ خودکشی کرنے والے شخص کی شناخت 43 سالہ بھیم راو کے طور پر کی گئی۔
وہ آٹو ڈرائیور کے طور پر کام کرتے ہوئے اپنی زندگی گزار رہا تھا۔ بیوی کے ساتھ جھگڑے کی وجہ سے وہ دو مہینوں سے گھر نہیں آیا تھا پانچ دن پہلے وہ گھر آیا اور آٹو کی مرمت کے لئے 500 روپے مانگے، پھر گھر سے باہر چلا گیا اور واپس نہیں آیا۔
دو دن قبل بھیم راو نے بیوی کو فون کر کے پوچھا کہ کیا وہ گھر آ سکتا ہے اس پر بیوی نے کہا کہ اگر وہ شراب پیتا ہے تو گھر نہ آئے، اور اگر شراب نہیں پیتے تو گھر آ سکتا ہے۔
شراب کی عادت کے باعث بھیم راو کی بیوی کے ساتھ اکثر جھگڑے ہوتے تھے، جس کی وجہ سے وہ ذہنی طور پر پریشان تھا۔اسی پریشانی کے عالم میں اس نے یہ انتہائی اقدام کیا۔
