سرحد پر پانچویں دن جنگ بندی کی خلاف ورزی، ہندوستانی فوج کی جوابی کارروائی

پہلگام میں حالیہ دہشت گردانہ حملے کے بعد ہندوستان اور پاکستان کے درمیان سرحدی علاقوں میں کشیدگی میں اضافہ ہوا ہے۔ پیر اور منگل کی درمیانی شب پاکستان نے ایک بار پھر جنگ بندی معاہدے کی خلاف ورزی کرتے ہوئے لائن آف کنٹرول پر فائرنگ کی۔ یہ گزشتہ پانچ دنوں میں پیش آنے والا ایسا پانچواں واقعہ ہے۔

فوجی ذرائع کے مطابق، پاکستانی افواج نے بارہمولہ، کپواڑہ اور اکھنور سیکٹر میں ہندوستانی چوکیوں کو نشانہ بنایا۔ ابتدائی طور پر ہلکی فائرنگ ہوئی، جس پر ہندوستانی فوج نے مؤثر اور بھرپور جواب دیتے ہوئے پاکستانی ٹھکانوں کو نشانہ بنایا۔ اس سے قبل تترمار گلی اور رامپور سیکٹر میں بھی اسی نوعیت کی خلاف ورزیاں ہو چکی ہیں۔